Nínos þú ert í uppáhaldi hjá mér :) og audda Sigrún!!!!

Eina fólkið sem hefur krotað í gestabókina nýlega :P

Fæturnir á múttu loksins að taka eðlilegan lit og allt að komast í venjulegt horf.
Kötturinn verður bara yndislegri og yndislegri nema þegar hann náttúrulega hrekkir mig hérna klukkan átta á morgnana og svo audda þegar hann vill slást og bítur aðeins of fast....svaka tennur.....ætli ég geti fjarlægt vígtennurnar? hmmm

Búin að selja allt aukadótið mitt fyrir snes og núna langar mig bara í nýtt aukadót :) Langar náttúrulega alveg svakalega mikið í Nintendo Gamecube ennþá og bíð bara róleg meðan verðið er að lækka......dumdidum komið niður í 11.000 og eins gott að það verði undir 8.000 um jólin....í kringum 8.000 allavega....helst með leik....
ojæja.....

Svaka jólastúss í hausnum á mér........byrjuð að kaupa í huganum og búin að plana allt....... svona eins og með utanlandsferðina að sjálfsögðu ......ALL IN MY HEAD

Ok ég er bara röfla eitthvað....svo það líði ekki of langur tími á milli blogga....

Fer á bókasafnið á morgun og stefni á eitthvað rosalega skemmtó,duló og kannski finn eitthvað áhugavert í handavinnunni.....hef ekki fundið neinar perlusaumsbækur þarna en kannski ég finni eitthvað í þetta skiptið

Langar í ný pússl líka.....langar alveg endalaust í eitthvað......borðaspil...búin að sjá fullt af flottum spilum á amazon og fleiri síðum.

Setti þessa frábæru mynd þarna til hliðar. Hvernig líst ykkur á!!!!!!
Annars hef ég ekki mikið að segja, búið að vera eitthvað voða dautt hjá mér.
Fyrir utan að 2 frænkur mínar komu í heimsókn í kvöld og VÁáááááááá þegar 3 systur spjalla saman og það af minni ætt þá er sko ekki hægt að grípa framí og reyna að tala sjálfur......allir talandi ofan í alla og HÁVAÐINN!!!!!! :P
Þetta var samt rosa gaman og langt síðan við höfum hist og sona. Er samt alveg búin á því núna og þrái frið og ró :)

Var eitthvað að stússast inná DC++ hérna um daginn og sá Harry og Heimi þættina!!!!!!! Hver man ekki eftir þeim!!!!!!
Er núna á fullu að downloada þeim og get ekki beðið eftir að heyra þetta allt saman aftur :)

Guðbjörg, Ingó og Inda hér með skipa ég ykkur að skrifa í gestabókina!!!!!!!!!!!
Bannað að koma án þess að skrá sig.....verð annars voða sár ;(

Búin að nota 1700 mb í download það sem af er af þessum mánuði.......náði mér í frontpage og nokkra leiki......algjör bilun....náði í 300 mb af lögum fyrir lille sis, er rosa góð við hana....bjó til 2 geisladiska fyrir hana.
Búin að ná í nokkur hús og fullt af drasli í sims fyrir hana líka.....talandi um sims þá langar mig svakalega mikið í það nýjasta....magic dæmi sko :) og get ekki beðið eftir að sims 2 komi á markaðinn!!!!!!!
Þarf reyndar að fá mér betri uppfærslu eða nýja tölvu fyrst en ekki spurning að það verður bara drifið aðeins í stækkuninni fyrir þennan leik :)

Held ég hætti núna.....og SKRIFIÐ Í GESTABÓKINA!!!!!!!!!

ok hætt í prófunum í bili!!! :P

Water Goddess. You like peace and serenity and are
usually content with life.


What element would you rein over? (For Girls)
brought to you by Quizilla

You are heterosexual.


What is your sexual orientation?
brought to you by Quizilla

You come from the Night Sky. You're drawn to the
stars and planets, and it's no wonder why, you
came from them.


Where Did Your Soul Originate?
brought to you by Quizilla

Mútta fór í smá aðgerð í dag og slapp heilu höldnu frá því......eins heil og hægt er þegar það er verið að fjarlægja æðar!

Svo er ég loksins búin að panta mér tíma hjá gigtarlækni og vonandi kemur eitthvað stórmerkilegt útúr því þegar að því kemur.....rosa langur biðlisti. Er byrjuð að vera svo rosalega stíf og íllt í höndum og fótum að það er ekki fyndið lengur. Er náttúrulega með slitgigt en er byrjað að gruna að liðagigt sé komin inní þetta líka. Vakna með krepptar hendur og sárt að rétta úr fingrunum stundum. Voða mikið um liðagigt,vefjagigt,slitgigt og fleira í ættunum hjá mér.....

Annars er ég að fara í viðtal uppá Reykjalund í næstu viku og svo er það bara innlögn þar næst á dagskrá...vonandi sem fyrst en læknirinn hélt það yrði samt ekki fyrr en uppúr áramótum. Ég er hálf óþolinmóð og vill bara fara í gær helst......langar rosalega að fara fyrir jól svo maður geti föndrað aðeins fyrir jólin, rosagóð föndurstofa þar. Langar líka til að skella mér í eldhúsið þar og læra nokkra létta rétti. Er komin með svo mikinn áhuga á að elda að það nær engri átt.....sé fyrir mér 5 rétta veislur og fleira í þeim dúr......kökurnar og eftirréttirnir heilla líka en ekki eins mikið samt sem áður.

Ég er að selja super nintendo tölvuleiki sem ég hef ekki áhuga á lengur....en ég hef samt alltaf áhuga á að kaupa góða leiki ef einhver á !!! *hint* ekki endilega bara snes, á líka psone en lítið af leikjum, á alltaf eftir að láta breyta tölvunni.

Annars er Inda vinkona að koma heim frá USA á morgun og hlakkar mig ekkert smá mikið til!!!!!! Hún var að kaupa nokkra hluti fyrir mig og vona ég náttúrulega að hún hafi fengið sem mest af þeim!!
Hún er svo mikil elska að ég reyndi að hafa í lámarki það sem ég bað um svo ég væri ekki að þeyta henni útum allt! Voða góð sko!! :) Hún fór til Orlando og ég held það sé búið að vera 25-30° stiga hiti þarna!!!!!! Algjör bilun...
Mig langar bara alltaf að fara til Minneapolis og ég er sko ekki búin að gefa upp alla von að komast þangað fyrir jól........kannski ég komi ekki heim aftur ef ég fer.....gerist ólöglegur innflytjandi og verð í felum það sem eftir er.
Gæti unnið á McDonalds eða eitthvað soleiðis, allavega þar til ég hitti Brendan Fraser eða Alan Rickman eða einhvern ríkann sem gæti hugsað sér að leyfa mér að eyða peningunum sínum.

Ég er í kjaftastuði núna.... :P

Annars held ég að ég þurfi að koma mér núna.....þarf að klára að fara yfir leikina sem ég ætla að selja.....svo ég selji nú örugglega ekkert sem ég sé eftir... ADIOS

Ég er döpur og get ekki annað en pælt í hvað lífið sé ósanngjarnt og hverfult.

Ég á vinkonu sem er mér mjög hjartfólgin, hún er alveg yndisleg og góð manneskja. Ég er búin að þekkja hana í nokkur ár og vorum við að vinna saman í næturvinnu og léttum hvor annari lífið þar. Hún er um tvítugt, ófrísk og vorum við tvær sammála um að hún gengi með stelpu. Hana og unnustann hennar hlakkaði svo rosalega til að eignast fyrsta barnið og var hún hamingjusamari en ég hef séð hana lengi. Hún hreinlega glóði! Ekki var lífsgleðin minni í unnustanum og var hann að gera hana brjálaða stundum með áhuga sínum!

Þessi vinkona mín hringdi í mig í dag og þegar ég spurði hana hvernig hún hefði það þá fór hún að gráta.....
Ég get ekki lýst líðaninni minni þegar ég heyrði í henni gráta en vissi að eitthvað mikið hlyti að vera að.
Þegar hún var búin að jafna sig nóg til að tala segir hún lágri röddu : "Ég er búin að fæða stelpuna"........
Þessi setning hefði átt að gleðja en hjartað í mér stoppaði og margar hugsanir voru á fleygiferð en fyrst og fremst kom hugsunin.....barnið er dáið.
Hún var eingöngu komin á 21 viku og ekki möguleiki að barnið gæti lifað. Hún sagði að á 24 viku hefði verið smá möguleiki.
Hún byrjaði að fá samdráttarverki og var farið í hvelli með hana sjúkrahúsið en það gekk ekki að stoppa fæðinguna og útvíkkunin komin í fullt.

Hvað gerir maður þegar svona gerist? Ég hef misst ástvin en þetta er annað. Þetta er barnið þeirra, littla gullið þeirra!
Mig langar að gera eitthvað fyrir hana, eitthvað sem gæti hjálpað henni, eitthvað sem lætur hana líða vel þó ekki sé nema smástund, eitthvað áþreifanlegt sem hún getur gripið í eða litið á og þegar sorgin verður of mikil.
Auðvitað er ég hérna og hún veit að hún getur alltaf haft samband þegar hún þarf þess, en maður er ekki alltaf tilbúin að hitta einhvern eða tala við einhvern.

Kannski er ósmekklegt af mér að skrifa þetta og setja hérna.
Ég geri það samt með besta ásetningi.

Lífið er brothætt og maður veit ekki hver fer næstur.
Ekki fara reið að sofa, kannski kemur ekki morgundagurinn.
Elskið hvort annað og segið það en ekki bara hugsa það.

Ég var reið Sigga daginn sem hann dó, hann svaraði nefnilega ekki símanum þegar ég hringdi. Ég reyndi að hringja í hádeginu í hann og eftir 2 hringingar var slökkt á gsminum. Þegar líða tók á daginn varð ég pirraðari, sérstaklega þegar klukkan nálgaðist 18:00 og ennþá hafði hann ekki kveikt á gsminum og ennþá var hann ekki búinn að hringja. Hann ætlaði nefnilega að vera kominn til mín milli 16:00 og 17:00.
Ég var vægast sagt reið útí hann og þegar mamma ýtti á mig að fara bara uppeftir til hennar, þá fór ég og hugsaði, "jæja, þá kemur hann bara að tómri íbúð".
Ég var nýlega sest niður heima hjá mömmu þegar ég fékk hræðilegasta símtal sem hægt er að fá. Siggi var dáinn og heimurinn hrundi.
Þegar ég var að hringja í hann um hádegið þá var hann ný fallinn niður eða kannski féll hann niður þegar hann tók símann upp? Hann stóð ekki upp aftur og sögðu læknar að hann hefði verið dáinn áður en hann lenti á gólfinu. Allar björgunartilraunir voru árangurslausar.
Ég vildi að ég hefði sagt "ég elska þig" þegar ég kvaddi hann kvöldið áður. Ég vildi......Ég vildi...... endalaus "ég vildi" og "ef"
Ég reyni hugga mig við það að hann vissi að ég elskaði hann.
Stundum er það samt ekki nóg.

Alda rúllaði yfir mig í Zapitalism :(
Hefði getað bjargað þessu með meiri tíma en oh well gengur bara betur næst!

Annars er það að segja að ég ætlaði að byggja upp smá heimasíðu og lét skrá heimasvæðið mitt á frontpage.
Svo opnaði mín frontpage og bjó til smá skjal og sv ætlaði ég að vista skjalið og ...skrrrríiiiííííkkkk.... gekk ekki upp, þegar ég restoraði tölvuna mína þá ruglaðist forritið og núna koma villu skilaboð upp þegar ég reyni að vista.
Ég á ekki frontpage :( *grát* og auglýsi eftir því hér.

Ástæðan fyrir rugluðu forriti er að ég var ekki með frontpage á dagsetningunni sem ég restoraði til og ég reyndi að undo restorið en það er örugglega of langt liðið eða eitthvað....allavega segir tölvan að það sé ekki hægt að undo þetta drasl.

Ljóta vesenið alltaf á mér.

Svo í þokkabót þá er viftan að gefa sig í turninum og þvílíkur hávaði að það ærir mann alveg!!!
Mér finnst kominn tími á nýja tölvu og ef einhver vill þessa á lítinn pening þá bara bjóðið! Líka ef einhver á tölvu sem hann/hún vill losna við þá sendið mér upplýsingar og ég kíki á allt!!!!!!!!!!!!! Emailið mitt er hérna til hliðar og munið að att = @

Ég hef ekki nennt að gera neitt hérna á netinu.
Byrjuð að spila JMP aftur og svo höfum við Alda verið að spila Gazillionaire. Þrælskemmtilegur leikur og þvílíkt ávanabindandi.
Held samt að ég reyni að fá hana í Zapitalism í dag.

Ég var búin hugsa svo mikið um hvað ég ætlaði að skrifa í dag þegar ég fór að sofa og svo man ég ekki neitt af því í dag.
Farin bara núna held ég. Þar til minnið kemur aftur.

Æji fæ ekki þessa blessuðu mynd til að birtast....held ég gefist uppá henni í bili.

Annars er alltaf gaman þegar gamlir vinir skjóta upp kollinum og sérstaklega í gegnum
þetta blogg vesen á mér!!
Allavega einhver sem kíkir á þetta á meðan :)
Búin að vera hugsa mikið til þessarar vinkonu minnar seinustu vikur en að sjálfsögðu
hafði ég ekki dug í mér til að finna númerið hjá henni eða neitt annað.
Ótrúlegt að hún skuli svo finna þetta hérna :)

Hvernig líst ykkur á? Eruð þið með hugmyndir hvernig ég get lífgað uppá þetta?

Jæja hvernig líst ykkur á? Klára seinna að ganga frá þessu algjörlega eins og ég vil. Ætla núna að gera tilraun til að restora tölvunni hjá mér og vonandi lifir hún það af!

Bæjó

Ég dunda mér við að spila Lagoon þessa dagana. Ég fíla rpg leiki alveg í tætlur og böðlast í gegnum þá eins og óð. HOMM 3 er í biðstöðu og JMP er líka eitthvað að detta upp fyrir sig. Annars er flensa í gangi á heimilinu og allir slappir....líka Símon, þess vegna sagði ég allir. Littla krúttið ældi öllum matnum upp í dag og er eitthvað lítill í sér og heldur ennþá að hann sé skugginn minn. Glaður þessi elska að mamma sín sé komin heim. Mamma hálfdauð inni í rúmmi núna og ég berst við að halda niðri matnum og passa að hreyfa höfuðið ekki of hratt þar sem þá kemur svimi og ógleði.
Fór í bæjarferð í gær með vinkonu minni og skelltum við okkur á Aðalbókasafnið í Tryggvagötu og hafði hún ekki komið þar áður. Hún fékk sér bókasafnskort og ég dró hana um allt og lét hana taka allar bækur sem hún sýndi minnsta áhuga á og líka það sem hún hafði ekki séð en mér fannst hún eiga að kíkja á. Ég fór heim með um 20 bækur fyrir mig og hún eitthvað svipað fyrir sig. Fórum svo í kópavoginn að ná í bækur sem ég gleymdi á spítalanum og á leiðinni þangað byrjaði ég finna fyrir þessari svakalegu ógleði eina ferðina enn. Fórum svo í Garn og Gaman og varð ég að byrja á klósettinu í smá ælu ferð. Varð síðan hálf klikk innan um alla handavinnunna og tilkynnti skýrt og hátt að ég þyrfti ríkan mann til að kaupa allt sem mig langaði í. Fórum svo heim á leið þegar við uppgvötuðum að við höfðum staldrað við í 1 1/2 klst. þarna og rétt slapp ég inn um dyrnar fyrir næstu æluferð.
Svo ég fari í daginn á undan sem sagt miðvikudaginn þá fór ég í bæjarferð með Öldu systir og varð alveg jafnveik. Varð að finna mér klósett inní bónus til að æla og var bara ekki alveg að meika þetta. Hélt ég væri bara svona svakalega bílveik (jafnvægistruflanir í eyrunum) en held núna þar sem ég sit hérna skjálfandi að þetta sé bara flensa.
Núna er ég farin og vona að þið hafið gaman af svona ælu sögum og ef ekki......well ég píndi ykkur ekki til að lesa þetta ;)

Ég er komin heim!!!!! Útskrifuð af spítalanum og ég suðaði svo mikið að ég fékk að fara degi fyrr meira að segja :) Líður miklu betur og sárin nokkurn veginn farin, eitthvað pínu pínu lítið eftir og það bara sést varla. Nú er bara að fara að ýta á Reykjalund og reyna að komast sem fyrst inn þar og svo verð ég tilbúin í slaginn á næsta ári og læt 2004 verða besta árið til þessa. Gifting, börn, bíll, hús og utanlandsferð.......ekki endilega í þessari röð samt.

Sá Lífsaugað með Þórhalli miðli og verð bara að segja að ég hafði mikla ánægju af honum og langar mig núna dáldið að fara til hans í einkatíma. Aldrei að vita ...ég á afmæli bráðum *hint* ;)
Sá Fríðu í salnum og leit hún rosavel út :)

Er að fylgjast með svo mörgum þáttum þessa dagana og martröðin orðin að veruleika!!!!!! Skjár 2 er með í sýningu þætti sem ég má ekki missa af!!!!! Og svo kemur stöð 3 og þar verða líka þættir sem ég má ekki missa af!!!! Þetta er hræðilegt :( Gæti grátið þar sem að sjálfsögðu hef ég ekki efni á að vera áskrifandi á öllum þessum stöðum!!! Stöð 1 farin í loftið líka en ég næ henni bara ekki á sjónvarpinu, það er svo sem ágætt þar sem ég myndi bara gráta meira örugglega ef það væri hægt að ná henni líka.

Búin að röfla nóg í bili og ætla að skella mér á bókasafnið og finna eitthvað menningarlegt að lesa.....Mad,Andrés önd eða eitthvað :P