Akkurat þennan dag fyrir 6 árum um kl.20 um kvöldið fékk ég þær fréttir að Siggi minn væri dáinn.
Man ennþá símtalið eins og það hefði verið áðan sem ég fékk það. Man hvað ég var að horfa á í sjónvarpinu. Man hvernig dagurinn var. Kannski ekkert ótrúlegt hvað svona dagur brennir sig í minninu á manni.
Margt sem leitar á hugann í dag. Aðra daga líka svosem en extra mikið í dag.
Sakna hans ennþá rosalega mikið. Man ennþá lyktina af honum. Man hvað var gott að kúra hjá honum. Man allt!
Gott og slæmt. Allt það góða leitar frekar á hugann og velti ég þessu öllu fyrir mér.
Ekki heil brú í þessu en minningar eru mínar.

Elska þig krúttið mitt :*

Ég held ég vilji ekki fá sumarið þetta árið. Ekki meðan ég bý á skólavörðustígnum.....
Það er 5 stiga hiti eða eitthvað og maður er að kafna hérna inni. Og það kemur sko ekki til greina að hafa opið út í sumar þegar kóngurlóa faraldurinn byrjar! Ekki nema þær borgi í leigu...þá skal ég hugsa málið.
Hefði bara viljað vera búin að kaupa íbúð og flutt í Apríl.

Annars las ég mér til mikils ama að Magni ætli að hætta með búðina sína þegar haustar. Ein af uppáhaldsbúðunum mínum. Get alltaf fundið mér eitthvað þar. Og ekki nóg með það heldur las ég líka að seinasti bingóþátturinn í bili væri á sunnudaginn :(
Er orðin hálf húkt á að horfa á þetta og spila með. Finnst þetta eyðileggja allt saman.

Ekki að ég sé eitthvað þunglynd útaf þessu eða eitthvað neikvæð!!! Aldrei sko :(
Byrjaði á 2 pússlum í dag en hætti við þau bæði....alltof erfið fyrir mig eins og er. Alltof heitt til að pússla hvort eð er.

Búið að pína mig í sjúkró og er hálf lurkum lamin.....mæti samt galvösk og geri það sem mér er sagt.
Hef reyndar ekki farið í sund í smátíma núna en sá tími er að verða búinn.

Annars langar mig bara í eitthvað kalt að drekka núna....best að fá sér vatn og klaka og velta fyrir sér öllum gæðum lífsins sem maður er aðnjótandi. Ætti ekki að vera kvarta.
Langar það bara svo mikið.

Jæja farin að senda neikvæðar bylgjur í vatnsglasið mitt.....ekki einu sinni til ávaxtasafi :(

Ég er búin að pússla fullt, mála dáldið, lesa fullt, leika í tölvuleikjum, gera krossgátur, vera í sjúkraþjálfun og ekki má gleyma sundinu!!
Brjálað að gera hjá manni bara! Ekki að neitt af þessu bæti heiminn en samt sem áður gerir það minn heim skárri.

Komin með sýkingu aftur og búin að fresta því í 3 daga að byrja á pensilíninu....verð svo íllt og veik af því.
Held ég verði samt að byrja í dag þar sem ég á að tala við lækninn fljótlega aftur uppá hvernig það virkar.
Hætti nefnilega að taka ein lyfin sem ég var á inn. Vill ekki vera á þeim lengur og sá bara engan tilgang í því þar
sem ég fékk samt sem áður sýkingar og sár. Læknirinn sagði að sundið gæti haft áhrif, sýkingin gæti komið útaf því.
En ég held þá bara höfði uppúr. Ekki alveg til í að sleppa sundinu fyrst ég byrjaði á annað borð að synda.

Annars fór ég á Reykjalund í gær og ég er að verða komin niður í kjörþyngd!!!!!!!!!!
Ég er náttúrlega svakalega ánægð og þar sem allt gengur ágætlega eftir aðgerðina um jólin þá
hafði bara gott að segja. Æli bara einstaka sinnum og líður betur. Orkumeiri og til í allt :P
Næstum allt allavega....

Byrjuð í fullt af æfingum í sjúkró...við mismikinn áhuga hjá mér...sumar æfingarnar er ég ekki alveg að fíla......
Ekki eins og það skipti svo sem neinu...verð bara að gera þetta. Allt linnt eins og grautur hjá mér.
Verst að tútturnar eru það líka....tómir pokar er mín lýsing. Skelli mér í brjósta aðgerð ef ég vinn í lottó eða
happdrættinu! Langar í "perky" brjóst :)

Held ég hafi barasta ekkert annað að segja.
Alda farðu með mig í bíó um helgina!!!! :) purrrrrrrrrrr

Ég byrjaði að skrifa þetta á afmælisdaginn minn en ég er orðin svo gömul að ég get ekki pikkað hraðar inn :Þ

Átti þennan líka indælisdag með fjölskyldunni og hafði það svo huggulegt :)
Fórum út að borða og í bíó um kvöldið. Fékk frábærar gjafir og var bara allt frábært :)
Fórum svo í bingó á miðvikudaginn og unnum ekki neitt en það var samt rosa gaman og frábært :)

Allir eru yngri en ég!!! Óþolandi alveg en sætu strákarnir eru allir yngri en ég.
Kjútípæið mitt braut hjartað mitt þegar hann sagði mér að hann væri að verða 26 ára....fékk svona dúnk tilfinningu í hjartað.
Mér finnst allt í einu ekki skipta neinu máli þó þeir séu yngri en ég.........þá er bara spurningin hvort þeim finnst ég of gömul :P