Þá fer þetta allt að koma!!! Alda á afmæli á morgun!!!! Við ætlum að taka smá forskot á sæluna og hafa videókvöld í kvöld þar sem hún er á næturvakt á morgun. Greyið er ekki búin að fá að vita neitt um hvað hún fær og litlar sem engar vísbendingar. Það eina sem er uppgefið er að það tengist afmælinu hennar, það eru fleiri en 1 pakki og ekkert þema!

Annars verð ég að tjá mig um það að við mæðgurnar höfum mjög gaman af að spila kana og hérna eitt kvöldið var gripið í spilin og er það ekki frásögufærandi nema vegna þess að ég var að spila Kanasögn með mömmu og þegar nokkur spil eru á hendi þá heyrist í múttu: "Bíddu! Erum við Alda ekki að spila saman!!!". Það vorum smá flekkir fyrir augunum á mér og ég hugsaði með hryllingi til þess ef ég hefði ekki átt alla slagina sem við vorum búnar að taka að þá hefði sko verið útum þennan kana. Ég röflaði eitthvað aðeins en það var mikið hlegið að þessu.....og við hættum að spila fljótlega þar sem "sumir" virtust ekki alveg hafa hugann við þetta.

Annars er ég að lesa á fullu og er ég með 10 Anne McCaffrey bækur á borðinu og nokkrar aðrar sem bíða lesningar.

Enn og aftur um vissa Ameríkuferð sem er alltaf ofarlega á baugi!! Það er tilboð hjá flugleiðum núna sem er svo svakalega freistandi að ég held ég brjálist bara!!!!! Hef samt sem áður engan veginn efni á henni en ef forlögin leyfa þá verða ennþá laus sæti mánaðarmótin ágúst/september og þá er aldrei að vita nema maður skelli sér í október eða nóvember.
Í þessu tilboði er akkurat eitt af hótelunum sem við systurnar vorum búnar að sigta út sem góðan kost þar sem ísskápur er á herbergjunum og ekki langt í Mall of America.........OG morgunverður.....það er nauðsynlegt (þegar það er í boði) þar sem þetta er náttúrulega undirstaða dagsins. Þó það sé ágætt að borða burritos eða pizzu í morgunmat þá er alltaf betra að borða frítt :P
Ég er búin að útpæla hvað á að versla og hvað hver og einn fær í jólagjöf úr þessari Ameríkuferð minni. Ég er líka búin að pæla rosalega í því hvað það væri sniðugt að kaupa hluti sem fást ekki hérna á Íslandi og fleiri löndum og selja síðan fyrir vonandi mikinn gróða á ebay. Gæti örugglega grætt fullt á því $$$

Meira að segja Símon fengi eitthvað dót og jafnvel flík svo hann fari ekki í jólaköttinn....ég er náttúrulega búin að fyrirgefa honum að reyna að tæta mig strimla. Annars er hann voða blíður greyið núna og kom og gaf mér blautan koss og lagðist hjá mér og kúrði sig í gærkveldi þannig að ég held að allt sé fallið í ljúfan löð.
Talandi um kisa þá er ótrúlegt hvað hann mígur mikið!!! Alltaf þegar ég skipti um sandinn hans þá kemur hann og veður ofan í kassann og pissar fyrir framan mig (sýna hver á kassann sko), og maður heyrir fossinn falla og þetta tekur oft ekkert smá langan tíma (áhugavert umræðuefni ég veit!!). Þessi elska er svo ánægður þegar ég skipti um sand að það hálfa væri nóg, hann hleypur um allt og klifrar upp eftir öllu og felur sig og bregður manni :) Algjört krútt......og um leið og Alda lætur framkalla filmurnar þá set ég mynd af honum hérna hjá manninum mínu :)

Og talandi um Öldu!!!! Hún er svo erfið!!!!!!!!!!!!!!!!!!! Hún vill ekkert gefa upp um hvað hún vill í afmælisgjöf þannig að það endar með að ég verð að finna eitthvað sjálf og ég er viss um að hana langar EKKI í akkurat það!
Hún á afmæli á föstudaginn og byrjar að taka á móti kveðjum,kortum,PÖKKUM og fleira heima á skúló eftir miðnætti á fimmtudaginn :) Hún er á næturvakt á föstudagskvöldinu þannig að það má náttúrulega senda þangað en mér finnst nauðsynlegt að ég fái að vita hvað hún fær þannig að best væri að koma á skúló eða senda mér skilaboð um hvað hún fær ;)

Jæja held ég sé búin að röfla nóg í bili og ætla að koma mér núna.........over and out

Hann Símon minn er ekkert spenntur fyrir því að fara í bað......komst af því í gær. Maður vissi náttúrulega að kettir eru ekkert hrifnir af því en eins og hann er hrifinn af að láta bleyta á sér kollinn þá barasta nær það sko EKKI lengra takk fyrir.
Ég fékk þá snilldarhugmynd í gær að baða hann þar sem það var svo heitt og hann var að fara soldið úr hárum. Ég og mútta vígbúðumst inni á baði og blönduðum gott og volgt vatn í sturtu hausnum (mistök nr.1) svo rétti ég mömmu sturtuhausinn yfir köttinn (mistök nr.2) og eftir það var ekkert við neitt ráðið og hann læsti klónum í handlegginn á mér og mátti ég hafa mig alla við til að missa ekki tökin á honum og láta hann tæta andlitið á mér í sundur. Það tókst og náði ég honum aftur ofan í baðkarið (mistök nr.3) og byrjuðum við að sprauta á hann (mistök nr.4). Þá vægast sagt trylltist dýrið og beit í handlegginn á mér og svo hékk hann þar á tönnunum og ætlaði ég ekki að fá hann til að sleppa!!!!!! Það tókst á endanum og var ákveðið að hætta við þetta allt saman (Eina skynsemin í þessu öllu og komin tími til eftir 4 mistök ekki satt!!!!)
Núna er ég blá og marin á höndunum og öll rispuð og ekki má gleyma bringunni og smá á hálsinum. Kötturinn horfir tortryggnisaugum á mig og fylgist með öllum mínum hreyfingum. Hann glefsaði í mig í um klst eftir baðið ef ég reyndi að klappa honum.
Hann ákvað samt að klifra uppí til mín í morgun og kúra smá. Held hann sé búinn að fyrigefa mér núna en vegna verkja í handleggjunum þá er ég ekkert að ganga of langt í samskiptum mínum við hann þar sem það er ekki þægilegt að fá glefs á sára handleggina.

LEXÍA : Það borgar sig að fara með hann á dýrasnyrtistofu ef ég vil láta baða hann........eða vera í brynju með tilheyrandi vörnum!

Ég gefst upp á klinkfamily!!!! Færði mig yfir til haloscan og vonandi gengur það betur!! Þannig að allir verða að commenta á mig núna !!!!!!!

p.s Sigrún......hún Alda fékk bókina lánaða og ég las hana hjá henni.

Mér til mikillar ánægju kláraði ég campaign nr.1 í HOMM 3 og hugsaði mér gott til glóðarinnar með að fá mér leik nr.4 EN þá komst ég af því að það eru 2 campaign eftir og ég er bara búin að vera að dunda mér í næstum 1 mánuð með nr.1!!!!!!
Í einu campaigni eru 5-6 smærri campaign og í hverju af því eru 5-6 borð þannig að ég dunda mér kannski við þetta í 1 til 2 mánuði í viðbót. Þetta er náttúrulega fyrir utan yfir 100 borð sem ég dundað mér í bara sona að gamni og audda get ég búið til mín eigin borð líka.

Annars langar okkur til að mála íbúðina og er stefnan tekin á að reyna að mála fyrir jól, allavega ganginn og stofuna. Þó mér finnist nauðsynlegt að mála þá eldhúsið og baðherbergið í leiðinni þar sem þetta eru hvort eð er svo lítil svæði.

Alda á afmæli eftir 8 daga :)
Eitthvað er búið að vera erfitt að fá uppúr henni hvað hana langar í en við deyjum ekki ráðalausar með það ;)
Ég veit þú ert búin að hinta með 70.000 króna upptökuvél en NEI NEI NEI NEI

Ennþá er planið að fara til USA í haust og spenningurinn er gífurlegur yfir hvort við komust eða ekki.......maður er búin að plana allt sem á að kaupa og allt sem þarf að skoða og allt er tilbúið nema það að kaupa miða og fara!!!!!

Ákvað að bíða og sjá hvenær fólk færi að shouta á mig að blogga meira og hva það tók bara viku! Gæti hafa legið dauð heima rotnandi í sólinni eftir að hafa blætt út og fengið heilabólgu eftir tanntökur eða jafnvel blóðeitrun eða eitthvað álíka hræðilegt og kötturinn hálf dauður úr hungri að narta í mig!!!!

Ég er ennþá með heiftarlega verki í kjaftinum :( og komin með bólgur í efri góminn í þokkabót! Vonandi fer þetta að lagast þar sem ég verð ekkert smá geðvond þegar ég er með verki sona lengi, fékk mígrenikast á þriðjudagsmorgun og það ofan í tannverk er nóg til að fá mann til að drepa mann og annan!

En á gleðilegri nótunum þá kláraði ég Harry Potter order of the Phoenix og var hún ágæt alveg, ekki eins mikið að gerast eða eins hröð atburðarrás og áður en þetta var samt mjög fín bók sem ég á eftir að kaupa mér einn daginn.
Ég get ekki beðið eftir myndinni um order of the phoenix þar sem uppáhaldið mitt og eiginmaður Alan Rickman fer með stærra hlutverk en vanalega!!! Hann leikur prófessor Snape fyrir þá sem ekki vita :P

Ég er að lesa Dead Zone eftir Stephan King núna og síðan fer ég á fullt í Anne McCaffrey aftur, þannig að Gerður fær bækurnar sínar áður en langt um líður vonandi!!!! Ég er 15 bækur við rúmmið sem bíða lesningar og það er fyrir utan nokkur stykki sem bíða í bókahillunni eftir mér. Ég fékk Anne Rice Vampire chronicle í afmælisgjöf og hef ekki getað lesið nema fyrstu bókina ennþá!

Krappí dagur so far......náði loksins að sofna um 6:30-7:00 í morgun og vaknaði svo kl.8:00 til að taka inn lyfin og vekja öldu. Stalst svo uppí rúm í 30 mín í viðbót áður en ég þurfti að taka mig til. Svo var leiðin lögð í banka og hvert haldiði svo!!!! TANNSATÍMI!!!!!!! Seinasti endajaxlinn var fjarlægður og auðvitað er ég að drepast alveg núna, þetta var ekkert smá erfitt! Það gekk eitthvað hálf brösulega að losa tönnina og einu sinni missti tannsinn takið þannig að töngin skall í efri góminn (rosa vont sko :( ) og svo fannst mér hún vera að reyna að rífa neðri kjálkann af eins og hún hamaðist til að ná tannfj$# út!!! Ég ríghélt mér í stólinn og lokaði augunum (ekki spyrja afhverju, manni bara líður betur) svo þegar þetta var loksins búið þá gat ég ekki sleppt stólnum í smástund og svo loksins losnaði takið vegna skjálftans í höndunum...... Það kom í ljós að ein rótin var í lengra laginu og þurfti að skilja hluta af henni eftir en ekki kemur það svo sem að sök. ALLAVEGA þá er ég búin!!!!!!! Allir 4 jaxlarnir farnir og Anna pilluæta mætt á svæðið. Er búin að vera að reyna að leggja mig í dag en verkjatöflurnar ná ekki að slá nógu vel á verkina þannig að ég rétt næ að dotta og svo kemur verkurinn í gegn og ég glaðvakna.
Ég næ kannski að sofna snemma í kvöld þá.
Annars hefur littli gullmolinn það fínt bara, núna er hann búinn að troða sér inní fataskáp í eina skúffuna og er ég viss um að það verða læti þegar hann reynir að komast aftur út, hann er örugglega blýfastur þarna inni. Hann er búinn að vera eitthvað hálffúll útí mig síðan í gærkveldi, ég ætlaði ekki að stíga á skottið á honum!!! Alveg satt!!! En hann er á einhverri annari skoðun og beit mig og klóraði í gær til að láta vita af því að hann væri ekki sáttur við svona meðferð á skottinu.
Síðan þegar ég kom frá tannsa og lagðist uppí rúm þá kom hann og beit mig aðeins, held það hafi verið afþví ég gleymdi að klappa hann og knúsa þegar ég kom heim og ekki má gleyma að ég lá uppí rúmmi án þess að taka hann með mér....ófyrirgefanlegt að hans mati. Voðalega dyntóttur köttur.

Annars er ég að byrja að lesa Harry Potter nr.5 og veit ekki afhverju ég eyði tíma hérna í þetta blogg í staðinn fyrir að lesa.
Ég er nýbúin með The Stand eftir Stephan King og er þessi 1200 síðna doðrant bara það góður að mig langar að sjá myndina aftur.

Fyrir þá sem eru í vandræðum með táknin á blogginu og allt í klessu. þá á að fara á blogger.com og loggar þig inn. klikkaðu svo á settings, næst á formatting og veldu réttan gmt tíma og veldur íslensku í language!!!!!!!! þá á allt að líta vel og rétt út! :)

Ég er soldið löt við að blogga verð að viðurkenna það.
Ég lenti ekki á spítala í þetta skiptið en fékk tvöfaldan lyfjaskammt í staðinn, veit nú ekki hvort er verra :(
Ótrúlegt hvað er búið að troða miklu af lyfjum á mig seinasta árið. Held ég sé bara að breytast í myglusvepp af þessu.

Annars er þetta búið að vera svaka auðveld tanntaka og hef ég varla fundið fyrir verkjum....sem er flott þar sem ég á að fara 9 júlí í seinust jaxlatökuna og það er hægt að ímynda sér að það verði ekki svo sárt kannski.

Littla gullið okkar er alltaf jafn mikið krútt og alveg óendanlega mikið sem maður elskar þetta kríli. Hann er svo mikil dekurrófa að það hálfa væri nóg. Keyptum nýjan leikfangafisk handa honum í dag þar sem það var ekkert eftir af hinum og þvílíku gleðilætin og fjörið!!! Þegar hann náði svo fisknum í friði þá var burðast með hann í körfuna og lagst ofan á hann svo enginn myndi nú stela honum!!
Var ég búin að segja ykkur frá að hann er matvandur? Borðar ekki kjúkling....búinn að fá nóg of honum....eins og fleiri :P
Hann elskar rækjur og þegar hann vill rækjur fer hann og leggst ofan á örbylgjuofninn þar til hann fær þær. Hann nefnilega vill ekki kaldar rækur!!! Þá er bara snúið uppá sig og vælt og nuddað. Hann vill þær aðeins hitaðar og ræðst á þær með offorsi og tætir þær í sig. Smjatthljóðin heyrast um alla íbúðina. Svo vill hann ferskt þurrfóður og helst má það ekki hafa verið í skálinni meira en 2 daga, þá hættir hann að borða það og bíður þar til nýtt kemur í skálina.

Ég læt mig dreyma um Bandaríkin þessa dagana...eins og alla daga reyndar og náði mér í ferðahandbók á bókasafninu um minneapolis og veit ég núna allt sem ég þarf um hvar búðirnar eru og hvaða hótel af þeim sem í boði eru hjá flugleiðum eru best.
Það er nauðsynlegt að hafa ísskáp!!! Það er hræðilegt að þurfa að kæla alla drykki með klökum. Og svo er líka ömurlegt að geta ekki haft neitt til að borða á hótelinu ef maður verður svangur, samlokur, jógúrt, mjólk útá morgunkorn o.s.fr.