Mitt hobbita nafn er Azaelia Boggy-Hillocks hér geturu klikkað ef þú vilt prufa Hobbitanafn
en álfanafnið er Larien Amandil og hér geturu klikkað ef þú vilt prufa Álfanafn

Sims leikurinn Makin Magic er alveg frábær!!! Við systurnar erum búnar að vera að dunda okkur í honum síðustu daga og varla að maður hafi nennt að kíkja á póstinn.....það tekur tíma frá sims sko! :P
Annars hlakkar mig rosalega til þegar sims 2 kemur út!!! Þarf bara að uppfæra tölvuna áður en ég get spilað hann, en það er hvort eð er kominn tími á það fyrir löngu.

Búin að hafa það fínt yfir jólin og búin að éta eins og svín *oink* Þvílíkt góður matur hjá okkur og hamborgarahryggurinn er sko alltaf uppáhaldsmaturinn minn *smjatt*

Fékk fínar gjafir líka, næstum allt sem mig langaði í. Fékk Harry Potter og fönixreglan á íslensku (já já mér sama hvað öðrum finnst, mér finnst þetta skemmtilegar bækur), fékk 2000 stk pússl sem kemur sér vel á leiðinlegum kvöldum, fékk alveg geggjað súkkulaði sem er búið móta í mynd af sofandi kisu og 3 músum og stendur á þýsku þegar kötturinn sefur leika mýsnar sér (tími sko ekki einu sinni að éta þetta!!!), fékk líka styttu, einskonar disk (voða sætt) sem ég veit ekki alveg hvað ég á að gera við, jólasveinahjónin (styttur sem dúa ef komið er við þær), hundabangsa (nr.54 í safnið...eða 62 er ekki alveg viss þarf að telja aftur) og síðast en ekki síst fékk ég saumaskrín sem amma mín heitin átti og eru ýmsir hlutir í því. Mig hefur alltaf langað í eitthvað sem hún átti en hún dó þegar ég var 2 ára og er ég alnafna hennar.

Ég er alltaf að pæla svo mikið í framtíðinni og finnst mér ótrúlegt að það séu bara 3 dagar eftir af þessu ári!! 2004 að ganga í garð. Ekkert smá sem tíminn líður hratt!!! Ég er að eldast ótrúlega mikið og á afmæli einu sinni enn eftir aðeins meira en mánuð!!! Finnst ég ekki beint hafa áorkað miklu í lífinu...nema að lifa af....það svo sem kraftaverk útaf fyrir sig.
Mig langar rosalega í skóla og ná mér í einhverja menntun. Ætla að sjá til með nokkra áfanga í fjarnámi eftir áramót. Mig langar nefnilega að klára stúdentinn áður en ég fer í háskólann. Held ég geti samt farið beint í háskólann ef ég vil? Orðin það gömul sko.

Jæja ætla að uppfæra þessa blessuðu kosningu mína og vonandi fæ ég fleiri til að kjósa núna!

ÉG ER SVO DUGLEG!!!!!
Við bjuggum til jólakortin í kvöld.....tók aðeins um 5 tíma. Bjuggum meira að segja til nokkur auka.
Allt að verða tilbúið fyrir jólin. Bara eftir að pakka inn nokkrum pökkum og þá er allt bara komið!!! Já og audda að klára jólateppið! Ég veit ég veit....ennþá ekki búin en bara pínkulítið eftir ætti ekki að taka meira en 1 til 2 tíma.....tekur allt svo langan tíma þegar það er gert í höndunum.

Annars er ég búin að fá pakka frá pabba, stjúpunni minni og bræðrum......veit nokkurn veginn hvað ég fæ :P
Ég náttúrulega bað um annan hlutinn og svo var smá rifa á pakkanum og áður en mér tókst að færa til svo ég sæi hvað hitt væri þá mætti mútta á svæðið með límband og smellti yfir!!!!!!! Fannst það soldill yfirgangur af henni að koma í veg fyrir þetta spæjaraverkefni mitt en oh well gengur bara betur næst ;)
Hef ekkert heyrt frá pabba hvað honum fannst um afmælisgjöfina....vonandi að honum hafi líkað hún.....

Snúum okkur að öðrum og aðeins ógeðslegri hlutum >:) Ekki fyrir viðkvæmar sálir að lesa......eða lykta af MUHAHAHHAHA
Veit ég á ekki að vera segja þetta en mér fannst þetta soldið fyndið svona eftir á þegar mér leið betur og gat andað eðlilega aftur og var komin í hrein föt.
Þannig er sko að mér varð svo svakalega óglatt og brunaði á klósettið áður en ég ældi allt út og það tókst svo vel til að gusan mín sem var eins og Geysir fór í klósettið, utan um klósettið, allt gólfið, einn vegginn, ruslafötuna og sjálfa mig........aumingja mamma varð að þrífa þetta þar sem ég stóð varla í lappirnar og var hún að dauða komin af lyktinni og útlitinu þarna inni.....en hún skellti á sig hanska spreyjaði ilmspreyi og þreif allt hátt og lágt. Lyktin var svo ógeðsleg að kötturinn vildi ekki einu sinni fara inná baðherbergið fyrr en búið var að þrífa þarna......

Búin að hneyksla alla og fínt núna? :)
Maður bara verður að koma með ógeðslegar sögur inná milli til að halda athyglinni hjá fólki.
Man ekki eftir neinu öðru til að segja ykkur núna en get örugglega rifjað eitthvað upp í nótt *tíhí*

Congratulations! You're Sam!


Which Lord of the Rings character and personality problem are you?
brought to you by Quizilla


Breytti 2 svörum og fékk þá þetta.....veit ekki hvort er betra......hefði annars bara viljað vera gella sem væri villt og tryllt með Legolas Greenleaf >;)

Congratulations! You're Merry!


Which Lord of the Rings character and personality problem are you?
brought to you by Quizilla


hmmmm

Ég er eitthvað svakalega löt að blogga þessa dagana...kem hérna á hverjum degi og hugsa ok nú skal sko bloggað en svo sé ég að engin ný komment eru og að enginn nennir að nota spjall borðið og þá langar mig bara ekki að blogga lengur.

Við bökuðum smákökur í gær! Ég og Alda sko! Það tókst alveg rosalega vel og ég hef endurnýjað trú mína á að það sé góð hugmynd að baka smákökur :)
Það tókst svo vel að ég er að hugsa um að baka jafnvel meira þegar líður á vikuna....langar svo að prufa margar tegundir að það er bilun!
Við gerðum 5 tegundir í gær: konfektsúkkulaði smákökur, súkkulaði stafi, rískökur, spesíur og að lokum rellur sem tókust reyndar ekki alltof vel en eru alveg ætar......ef manni finnst hveiti bragð gott :P Þetta er einhver fræg uppskrift sem við byrjendurnir (Alda og ég) ráðum ekki við ennþá. Þetta er í fyrsta skipti sem spesíurnar takast hjá okkur og já ég veit að þetta eru nærri einu smákökurnar sem eiga ekki að geta misheppnast en þær hafa alltaf eyðilagst samt sem áður! Þetta eru einar af mínum uppáhalds kökum og að vonum er ég rosalega ánægð og held ég setji kökuboxið bara undir rúm og liggji á þeim eins og gulli.....Anna Gullormur sko ;)

Annars erum við að hugsa um að skella okkur í jólakortin á eftir þegar Charmed er búið.

Ég hef ekki fengið nein viðbrögð frá pabba með afmælisgjöfina hans :( hann komst ekki að ná í hana á afmælisdaginn en ég vona allavega að hann sé búinn að ná í hana og sé ánægður...hefði samt viljað heyra í honum, verð nú að segja það :(

Svenni bróðir kom heim í gær og kíkti ekki á mig!! Hálf móðguð en það er svona þegar maður er búinn að vera lengi í burtu er best að drífa sig heim. Vonandi að þau hafi átt góða helgi.

Jæja ég er farin að fá mér kaffi áður en Charmed byrjar.

Skyld'ða vera pakkajól.....skyld'ða vera hjólajól.......trallalalalalla

Jólafílingurinn að ná tökum á manni.....búin að vera að kaupa jólagjafir og jólakortagerð í kvöld.....vonandi ef maður verður ekki meðvitundarlaus of snemma...brjálað að gera þessa dagana.
Svo er baksturinn næstu helgi!!! Þá eru sko jólin komin heim í hús *smjatt*
Ekki ennþá búin með jólateppið en kannski ég klári það fyrir helgi ef ég hef tíma. Synd að eiga svona lítið eftir og gefast upp!!!

Annars er ég byrjuð að sakna Sigrúnar hef ekki séð hana í há herrans tíð og held barasta að hún sé orðin samgróin skólanum! REYNDU AÐ SLÍTA ÞIG LAUSA!! ÞAÐ HEFST Á ENDANUM!! Vona það allavega, veit ég gæti tekið tólið upp og hringt (símtólið dónakallar!) ;) en maður hefur einhvern veginn aldrei tíma þegar maður man eftir því og þess inná milli þá er maður heiladauður zombie og man ekkert.

Pabbi á fimmtugs afmæli á fimmtudaginn og ætla ég að koma honum á óvart og senda pakka! Fór og keypti í dag afmælisgjöf handa honum og vonandi að hann detti ekki dauður niður í áfalli yfir því. Hef látið nægja að hringja í hann síðustu árin og fundist það afrek útaf fyrir sig að muna eftir afmælinu! :)
Svenni bróðir er svo að koma heim til landsins á laugardaginn og ég gæli við þá hugmynd að hann kíkki á mig þó það sé nú borin von....fjölskyldan örugglega búin að panta hraðferð norður fyrir hann, þar sem hann hefur verið svo lengi í burtu.
Væri samt voða gaman að sjá hann.

Símon littla krúttið mitt er eitthvað slappur...held hann sé með flensu eða eitthvað...voðalega lítill og vælinn, er svo hóstandi og hnerrandi og í kvöld kúgaðist hann svo mikið að við héldum að hann væri barasta að kafna.....held það verði farið með hann til læknis ef hann sýnir enga framför næstu dagana....
Hann liggur hérna núna hjá mér og er barasta yndislegasta krútt í heimi og ég vil bara knúsa hann í klessu.

Jæja er ég búin að bæta bloggleysið eitthvað upp núna? Geri kannski eitthvað sneddí á morgun eða næsta dag.
Námskeiðinu lýkur annað kveld og þá hætti ég kannski að vera svona þreytt. Týpískt að vera þreyttur þegar maður hefur mikið að gera.......

Jæja flensan að gefa eftir og bara smá skítur eftir í kverkum og nefi.
Annars fékk ég hringingu frá Reykjó í dag og fer ég inn 12. janúar....þetta er að líða !!