Æ sorry gleymdi að segja hvernig gekk í vigtuninni :)
Það gekk vel og þó ég hafi aðeins verið með of miklar vonir um kg fjölda en allavega þá voru það 12,4 kg sem voru farin. Vissi náttúrulega að það væru allavega farin 12 kg.

Annars prufaði ég að vigta mig í gær og þá voru 15 kg farin og þetta er bara frá aðgerðinni 16. mars sko. Var búin að léttast slatta fyrir aðgerð líka :)

Borða allt sem mér langar í en ennþá erfitt að kyngja. Soldið þreytandi. Byrjuð að gefast uppá að borða ef það tekur of langan tíma. Svo meltist maturinn svo hratt að maður er svangur á 2 - 3 tíma fresti. Stór galli finnst mér. Hefði mátt segja manni frá þessu.

Annars er bara allt í rólegheitunum. Sumarið að koma og búin að sleikja smá sól á svölunum. Má reyndar ekki vera mikið í sól en 10 mín hér og þar drepur engan.

Langar að fara eitthvað. Helst til USA en UK væri alveg í lagi líka. Á vin þar sem hefur talað um að senda eftir mér í sumar og ég bíð bara róleg eftir að það gerist.

Borðaði heila pizzusneið í kvöld!!!!!!!!!!!!!!! Tók reyndar um 30 mínútur og pizzan orðin köld en hey það var sko þess virði...
Fékk bara smá verki, hægt að lifa við það...

Fékk ís í gær :) Loksins!!!
Tilboð á ís í bónus og bónus vanillu ísinn er bara skratti góður.

Hummm ekkert annað að segja. Varð bara aðeins að tjá mig :)

Fékk engan ís :( Held ég verði bara að pína Öldu til að gefa mér ís.
Langar svo sjúklega, rosalega, svakalega, gífurlega, yfirgengilega, hræðilega, brjálaðslega, klikkað mikið í ís.....*slurp*

En nóg um það. Fór í magaspeglun og það eina sem kom í ljós er að það eru bólgur og þroti. Sem er ekkert skrítið.
Ekkert alvarlegt að og engin sjáanleg ástæða fyrir sársaukanum. Verð bara að halda áfram að reyna að borða.
Talandi um það þá má ég byrja á venjulegu fæði á fimmtudaginn!!!!!! :)

Annars er fundur uppá Reykjalundi á morgun og hittist hópurinn þá. Allir nema Rut...hún kemst ekki núna :(
Verð vigtuð þar og skal þá koma með nýjustu tölur yfir hvað ég er búin að léttast mikið síðan 16. Mars.
Akkurat 5 vikur í dag síðan ég fór í aðgerðina.

Annars gengur ágætlega bara. Alltaf þreytt en það fer vonandi að breytast. Búin að lesa fullt og næstum alveg hætt að nenna að vera á netinu. Tími samt ekki að hætta með ADSL þó það væri sniðugast. Óþolandi hvað það er allt hægfara á netinu án ADSL.

Annars er ég að hugsa um að söðla um mig í eldamennskunni þegar ég má byrja að borða sjálf og gera einhverjar svakalega góðar tilraunir sem verða að sjálfssögðu besta máltíðin ever :)

Alda stakk af frá okkur á laugardaginn og ætlar ekkert að koma fyrr en á föstudag held ég :( Held ég geti ekki beðið svo lengi eftir að fá ís....held hún neyðist til að koma fyrr....ætti kannski að hringja í hana og athuga einu sinni enn, bara til öryggis sko hvort hún ætli örugglega ekki að koma í dag.... Eða á ég að hafa þolinmæði þar til á morgun...pína hana til að koma þá? Dísus hvað mig langar í ís....Held ég hringi í hana á eftir og reyni að fá hana til að kíkja....í kvöld eða á morgun allavega..... Farin að hringja bæjó :P

Búin að bæta nokkrum inná blogglistann.

Annars er ekki mikið að frétta, jafn sárt að borða og á ég að fara í magaspeglun í næstu viku til að athuga hvað sé að.
Á að fara á fljótandi aftur *grát* þangað til það er búið að kíkja á þetta.
Æji ekkert annað að frétta. Hálf leið eitthvað yfir þessu. Held mig langi bara í ís......Pína múttu á eftir....ÍSSSSSS

Alda er að fara að vinna í kvöld *sniff* Allt ómögulegt.

Ég stóðst mátið til kl. 15:40 í dag og þá sendi ég Öldu sms og þegar hún sendi til baka þá hringdi ég í hana til að vekja hana nú alveg örugglega nógu tímalega!!!!!!! Það skal tekið fram að Alda var á næturvakt seinustu nótt og er farin aftur á næturvakt í kvöld.
Tímalega fyrir tónlistarmarkaðinn í perlunni!!!!!!!!!!!! Það tókst :) Ég vakti hana og nauðaði í henni þar til hún gafst upp og dreif sig af stað að ná í mig :) Ég er dekruð ég veit!!!!! Stundum fínt að vera prinsessa!!!

Ekkert smá mikið af fólki þarna!!! Alveg troðið!!!! Frekjan í fólki er líka með ólíkindum...ryðjast framfyrir og planta sér fyrir framan mann þegar maður er að skoða eitthvað og það versta af öllu.......taka seinasta eintakið af einhverju spennandi!!!!!!!!

Keypti nokkrar spólur 490 krónur stykkið. Takmarkið var að sjálfsögðu DVD myndir en engar spennandi myndir á verði sem maður réð við. Fannst líka frekar lítið úrval af DVD myndum og tölvuleikjum. Geisladiskarnir höfðuðu ekki neitt til mín í þetta skiptið.

Annars er annað mál á dagskrá og það er kattarnammi!!! Ótrúlegt hvað það er erfitt að nálgast það þessa dagana!!!!! Fórum í 5 búðir og engin átti kattarnammi...bara hundanammi. Eins og kettir séu ekki tiltölulega algengari en hundar hérna í borginni. Og þar að auki eru bara 5 tegundir eða eitthvað af nammi til á þessu blessaða landi. Yfir 50 tegundir til í USA!!!!!
Alda reyndi að lokum eina búð í viðbót uppí Grafarvogi og fann loksins smá kisunammi.

Matur! Ég borðaði kjötbollur í gær og í hádeginu í dag.......og í kvöld :P Þær fara ágætlega í mig. Fæ ekki neina verki að ráði .... og ástæðan fyrir að ég borða bara kjötbollur er einföld. Borða 2 littlar bollur og er pakksödd....einn lítill pakki af kjötfarsi gefur alveg 10 stk alla vega. Á ennþá 2 bollur eftir. Mamma stal 2 í gær!!! Held samt að ég fái mér eitthvað annað að borða næst.

Jæja búin að röfla nóg í bili.

Alveg ótrúlegt!!!!! Búin að bíða eftir þessum degi að eilífu og svo kemur hann!!! Fékk mér barnamauk í morgun og það var æðislegt! EN fékk mér soðinn fisk og kartöflu í kvöld og það var ekkert smá vont!!!!! SÁRT!!!! Gafst uppá að borða og settist aðeins niður og innan við 10 mínútum seinna kom allt draslið á hraðri uppleið og rétt slapp ég á klósettið.
Reyndi svo að borða aðeins meira og gekk það aðeins betur en ég var búin með nokkra bita þegar verkurinn byrjaði að koma aftur þannig að ég gafst bara alveg upp. *sniff*
Prufaði svo að fá mér banana í kvöld, maukaðann að sjálfsögðu og það gekk eins og í sögu. Er alveg pakksödd núna og vona að það verði ekki eins sárt að borða á morgun.

Annars lenti ég í smá slysi um daginn.......fór í bíó á Dawn of the Dead
og hafði ágætt gaman af. Sá allavega ekki eftir peningnum og þessa mynd kaupi ég mér þegar hún kemur á DVD.
En allavega, þegar við vorum að fara, sem betur fer með þeim síðustu út, þá rak ég fótinn í eitthvað og steyptist framfyrir mig og lenti á sköflungnum og rétt náði að setja hendurnar framfyrir mig áður en veltan hélt áfram og fór ég kollhnís og endaði harkalega á bakinu og hausinn vísaði í suður og fætur í norður! Skammarlegt vægast sagt!!! *roðn*
Sneri mér tignarlega við (je ræt) og sat í sjokki í smástund og hugsaði ó guð saumarnir mega ekki hafa rifnað..... Fann engan gígantískan sársauka í maganum og var bara smá ringluð þannig að ég afþakkaði alla hjálp og reyndi að staulast á fætur. Var með brjálaðann verk í hægri fætinum, hnéinu, bakinu og hægri mjöðminni...
Þorði varla að fara að sofa þar sem ég hafði ennþá áhyggjur af saumunum en hér er ennþá þannig að það hefur allt haldið þarna inni. Er samt ennþá aðeins íllt í bakinu og marin á fætinum. Ef ég reyni að beygja mig og krjúpa þá gefur hægri löppin sig. Það verður komið í lag áður en ég gifti mig...býst ég við...

Ætli geisladiskamarkaðurinn sé opinn á morgun? Veit það einhver? eða yfir helgina? Langar rosalega að kíkja þangað.....ALDA HINT HINT!!!!!! *knús*

Verð að adda smá við hérna!!!
Útaf kommentinu þínu Nína!! :P Sko ég og Alda fórum sko einu sinni til USA og við vorum með undir 5 kg í farangri með ferðatöskunni og 2 aukatöskum og fötunum sem við fórum með. Þetta var sko samanlagt!! Undir 5 Kg.
Þegar við fórum heim nokkrum dögum síðar þá sko....heheheh.....veit ekki hvort maður á að segja þetta þá vorum við búnar að kaupa 2 auka töskur í viðbót. 1 af aukatöskunum komst í handfarangur þannig að við vorum með 4 stórar töskur, sitthvora töskuna í handfarangur og sitthvora handtöskuna(lyklar,kort,peningar og soleiðis drasl sko) og þessar 4 töskur voru samanlagt 130 kg. Þá var ekki handfarangurinn talinn með!!!
Þannig að mér finnst að það ætti að hafa það 100 kg á mann sem maður má ferðast með til USA :)
Við erum rosalegir kaupendur og við erum svo miklir kaupendur að við vorum peningalausar þegar við komum heim til Íslands og gátum ekki keypt neitt í fríhöfninni :(

Vonandi að Alda káli mér ekki fyrir að segja þetta....varð bara að deila þessu sko :)

Jæja enn eitt tilgangslausa röflið.

Ég er alveg að lifa af þessar fljótandi vikur.....á miðvikudag - fimmtudag má ég fá mér mauk!!! WOOHOOO
Voðalega lítið að gerast í mínu lífi annars. Hef ekki mikla orku til að gera eitt eða neitt. Skelli mér í stutta göngutúra yfir daginn og lítið annað.

Er alltaf að hugsa um Bandaríkjaferðina sem okkur langar að fara í haust. Dreymir það meira að segja stundum!
Kaupa Kaupa Kaupa Kaupa.....hljómar vel :P
Þyrfti að athuga með pósthús þarna uppá sendingarkostnað. Við ætlum nefnilega að versla svo mikið að við verðum að senda sumt í pósti heim til Íslands þar sem þyngdin er of mikil! :)
Fullt af bókum!! Auðvitað sko, ekki hægt að vera án þeirra!
Spil! Borðaspil sko, erum spilafíklar og þetta er frábær dægrastytting!
Pússl, hehehe, varla heill né hálfur maður án þeirra. Þjálfar hugann og eyðir tíma :)
Föt!!!!!!!!! Vá að geta svo keypt föt á sig!!! Mig kemur til með að vanta föt næsta haust þannig að það væri örugglega bara ódýrara að fara til USA og versla þau heldur en kaupa þau hérna heima.
Svo má ekki gleyma öllu hinu dótinu sem maður kaupir og gleður hjartað...
OG auðvitað GJAFIR!!!!!!! Geggjað að kaupa gjafir handa ástvinum og gleðja þeirra hjörtu í leiðinni :)
Væri líka fínt að kaupa jólagjafirnar þarna.

Sko í heildina séð held ég að Bandaríkjaferð væri bara ódýrari heldur en að kaupa þetta allt hérna á landinu.
Miklu skemmtilegra að segja að maður hafi keypt jólagjöfina,afmælisgjöfina,tækifærisgjöfina í USA heldur en í hagkaup!
Ekki satt :P