Það er 1 dagur eftir!!!!!!! Þá gerist það!!!! Ég verð loksins 25 ára!!! :P Alveg merkilegt nokk hvað maður getur orðið 25 oft hehehe :)

Finnst þetta vera ágætis árangur hjá mér þar sem ég bjóst aldrei við að verða svona "gömul"....langaði það hreint ekki ef ég man rétt. Stórafmæli síðan á næsta ári hjá mér og múttu...Það má bara byrja að leggja inná mig fyrir utanlandsferðinni sem við viljum fara í :)

Síðan verður littla krúttið mitt 25 ára í haust...ótrúlegt að hún sé búin að ná mér í aldri :)
Littla krúttið mitt er að verða stór! *sniff*

Við systur vorum svo duglegar í morgun! Vöknuðum um 8 og skelltum okkur í sund!! Já og er þetta í annað sinn sem ég fer í sund á stuttum tíma. Fór líka á laugardagsmorgun í sund!! Voða dugleg sko. Ekki farið í sund í 5 ár eða eitthvað.
Vill samt ekki fara í sund á morgun. Finnst að maður eigi að fá að sofa á afmælisdögum!

Við mæðgur spiluðum svo bingó í gær. Þetta er fastur liður á sunnudögum að borða saman og spila bingó. Unnum ekkert en það munaði litlu! Svo þegar við fórum heim, komum við við í krambúðinni að kaupa smjör og mjólk og GUESS WHAT!! Helduru ekki að Villi bingóstjórnandi hafi ekki bara verið að labba þar inn um leið og við!
Ég sá bara fyrir mér giftinguna okkar og sona og hvað börnin yrðu falleg :)
Held samt að hann hafi ekki tekið neitt eftir mér.....næst pota ég kannski í hann og flissa.

Mig dreymdi svo furðulegan draum að ég get ekki hætt að hugsa um hann. Ætti svo sem ekkert að vera að skrifa hann hérna en ætla nú bara að stikla á stóru.

Ég man ekki hvernig atburðarásin byrjaði en allavega var lögga heima hjá mér og var verið að tala um möguleikann á að Siggi væri lifandi! Ég hafði fundið vindil með glóð í öskubakkanum og var enginn í kringum mig sem reykti vindil. Bjó í þessu líka massa stóra húsi 2 hæðum og örugglega 2000fm2 eða eitthvað álíka.
En allavega þá eftir smá tíma þá ramba ég inní eitt herbergið og guess what!! Finn Sigga alveg bráðlifandi með konu og 4 ára gamalt barn þarna hjá sér. Það varð náttúrlega allt brjálað og ég þarf varla að lýsa öngþveitinu sem varð inní mér við þennan fund.
Atburðarásin er í smámóðu en varð einhver svaka eltingaleikur úr þessu. Eins og gengur og gerist í draumum er ekki allt rökrétt.
Ég hringdi í mömmu hans Sigga og lét hana vita að hann hefði fundist á lífi og hún mætti á staðinn en þá var Siggi stunginn af.
Ég hins vegar hélt á litlu dóttur hans og var hann að reyna að ná henni aftur. Núna færðist atburðarásin í einhverja svaka kringlu! Var þarna ólíklegasta fólk úr fortíðinni minni.
En allavega þá lenti ég í uppgjöri við Sigga. Hann og Dóri vinur hans(sem hafði vitað að hann var ekki dáinn) voru á hæðinni fyrir ofan mig og var Siggi að segja Dóra að stökkva á mig og drepa mig. Dóri vildi það ekki og endaði það á að Siggi hrinti honum framaf. Dóri lá ílla slasaður þarna niðri hjá mér og var ég að reyna að hugga hann og þakka fyrir. Hann sagði að honum hefði alltaf þótt svo vænt um mig og ekki getað hugsað sér að slasa mig. Hann dó svo í fanginu á mér.
Fljótlega náði löggan Sigga og kom í ljós að hann var búin að slasa mikið af fólki og svo drepa Dóra.
Þegar ég fékk að tala við hann var ég að reyna að koma vitinu fyrir hann og segja honum hvað hann væri búinn að fara ílla með fólk í kringum sig með því að láta alla halda að hann væri dáinn. Sérstaklega bróður hans sem hefur aldrei jafnað sig á þessu.
Svo fór draumurinn útí aðra sálma sem eru ekkert í sambandi við þennan part.

Mig hefur ekki dreymt að Siggi sé virkilega lifandi og þetta hafi allt verið lýgi rosalega lengi. Dreymdi þetta rosalega oft alveg þar til á seinasta ári. Átti þá góða draumastund með Sigga og vaknaði eins sátt við tilveruna án hans og hægt var.

Það gæti verið að þar sem 6.dánarafmælið hans nálgast óðfluga að það sé einhver togstreita í undirmeðvitundinni.
Finnst þetta ennþá hafa gerst í gær og ótrúlegt að það sé svona langt síðan hann dó. Kannski leynist alltaf þessi glóð þarna
að hann sé sko ekki dáinn í alvörunni og sé þarna úti að lifa lífinu.
Vona að það sé í lagi með hann Dóra minn. Hann er soddan hrakfallabálkur greyið og búinn að eiga erfitt. Skammast mín
að hafa ekki haldið meira sambandi við hann. Þetta er kannski áminning að gleyma honum ekki.

Hvað finnst ykkur?

Ég er latasti bloggarinn á svæðinu....
Ekki að það gerist aldrei neitt heldur gerist eitthvað og það er frábært en svo er það búið og ég nenni ekki að skrifa um það lengur.
Logic hu?

Annars er Rutlan mín lasin og loksins búið að fatta hvað er að. Mátti ekki seinna vera! Hún er að hverfa og ég er viss um að þetta hefði gengið að henni dauðri! Held ég verði bara að fara í heimsókn til hennar til að passa uppá hana :)
Það var svo gaman að sjá hana aftur þó ég ætlaði varla að þekkja að hana! Hefði viljað eyða meiri tíma með henni og næst þegar hún kemur í bæinn panta ég heilan dag + kvöld!!!! Heyriru það!! Gleymdi einu sinni enn að láta hana fá smá gjöf fyrir Kolbrúnu en ég sendi það bara fljótlega í staðinn. Alltaf gaman að fá pakka þegar maður er 7 ára :)

Það er komið að B12 sprautunni og fæ ég hana í dag. Annars voru að koma niðurstöður úr blóðprufum sem ég fór í í nóvember og var búin að gleyma að ég hefði farið í. Komu þær bara mjög vel út :) Furðulegt að kólesterólið hefur hækkað aftur en það er svo langt síðan þetta var að það er örugglega orðið fínt aftur.
Teymisfundur í Febrúar og hlakkar mig til eins og venjulega að hitta allt liðið mitt. - Rutluna þar sem hún kom í Janúar þarf hún ekki að fara í Febrúar :( *sniff* en í staðinn fæ ég hana í Apríl sem er ágætt líka...sting af með henni heim síðan bara.
Hmmm ekkert meira að frétta úr þeirri átt held ég.

Búin að vera að horfa á þætti sem heita "Lost" og eru þeir algjör snilld. Það verður frábært ef þeir koma í íslenskt sjónvarp fyrr en seinna! Vorum að fá nýjasta þáttinn í fyrradag og panta ég að Alda horfi á hann með mér í kvöld!!!
Og talandi um sjónvarp þá horfðum við á "Dodgeball" í gær í góðra vina hópi og var þetta hin ágætasta skemmtun. Komu Ellen og Sarah í heimsókn og var mikið spjallað og hlegið.

Mig langar ekkert smá á þorrablót í sveitinni fyrir norðan!!!! Er að athuga hvenær það verður og hvað gisting yfir helgi myndi kosta í bændagistingu. Hef ekki farið þarna í mörg ár og væri gaman að hitta gömlu skólafélagana aftur. Finnst ég loksins vera tilbúin til þess. Það tók bara nokkur ár sko :P

úúúú held að Alda sé komin og ég verð að pína hana til að fara út með mér...verð sko ekki hátt á vinsældarlistanum en shit happens!!! Vonandi lemur hún mig ekki meira en venjulega! Alltaf marin og blá eftir þessa elsku og fæ ekki að sofa meira en í 2 tíma í einu þar sem henni leiðist. ehehhehehe verð sko pottþétt lamin núna :P

Adios!

Jæja nýtt ár og ekkert blogg...gengur ekki upp.

Annars er ágætt að frétta. Aðgerðin tókst vel og gengur mér aðeins betur að borða.
Æli núna bara í 3 hvert skipti sem ég borða og en fæ reyndar stundum verki eins og fyrst þegar ég byrjaði að borða eftir aðgerðina. Sárin gróa vel núna og verða ekki eins stór ör af 3 af holunum!! Bara ein hola sem verður stórt ör. Þannig að ég hef bara 6 sýnileg ör :) Læt fjarlægja þau með lazer þegar ég hef unnið í lottóinu!

Annars stendur til að pína systu á "Saw "í kvöld...Hef ekki haft heilsu fyrr svo núna á að kýla á þetta. Búin að langa svo lengi að sjá þessa mynd að ég er að springa.

Búin að spila paper mario eins og óð seinustu dagana. Er búin með svona 70-80% af leiknum. Þetta verður tímalega búið fyrir afmælið mitt. *hint* :P Nýr leikur væri vel þeginn :)

Hmmm held ég hafi ekki mikið annað að segja. Hef ekki gert neitt af viti.
Hey jú það varð árekstur hérna fyrir utan gluggann í dag. Svaka læti og var annar ökumaðurinn örugglega ekki í belti. Hann fékk skurð á ennið og það blæddi fullt. Alda hoppaði út með þurrkur og plástur fyrir strákinn. Það var vel þegið.

Hef eiginlega ekkert verið í tölvunni á þessu ári. Rétt kíkka á póstinn. Hef ekki eirð til að sitja fyrir framan þessa elsku.
Jæja best að koma sér aftur. Búin að gera allt sem til stóð.

Adios