Búin að vigta mig!!!!! Búin að léttast um 30 kg frá aðgerð! Það er sko slatti.
Enda líður manni allt annað. Gengur bara glimrandi að borða og vonandi fer að koma litur í kinnarnar :)
Er hálf föl eitthvað....skær hvít hef ég heyrt....hlusta nú ekki á hvað sem er samt...held ég sé bara postulínshvít :)

Mig langaði svo að kíkja í BT í dag þar sem þeir voru að opna aftur í skeifunni, vissi að það yrði örtröð, svo um 14:30 þá
hélt ég að það væri nú ekki svo mikið þar sem væri vel liðið á daginn. Fór þar og keyrði bara framhjá....50 manns í biðröð fyrir utan!! Algjör bilun...skrepp bara eftir helgi eða eitthvað. Ekki eins og ég hefði efni á að kaupa eitt eða neitt.  Langaði bara að kíkja og skoða.

Fór í brúðkaup í gær og það var alveg frábært!!!
Athöfnin rosalega falleg og brúðirnar glóðu af hamingju.
Svo var farið á kaffihús og kjaftað aðeins og svo um kvöldið fóru allir út að borða.
Maturinn alveg sjúklega góður!!!! Gat samt ekki klárað allan matinn minn en hefði sko viljað það!
Hef ég ákveðið að svona vil ég hafa það ef ég gifti mig einhvern tímann....lítið og fámennt og kósí :)

Símon litli sem er ekkert svo lítill lengur er búinn að vera hálf slappur greyið og var búin að æla útá svölum í morgun og fá íllt í magann og svo er ræfillinn búinn að sofa meira og minna í allan dag. Liggur hérna hjá mér núna og umlar og smjattar í svefni....einstaka urr...rosa sætt heheheh :)

Sá mynd af kettling úr þessu hryllilega kisumáli og langar svo að fara og ættleiða!!!
Held að Símon yrði voða glaður að fá leikfélaga. Kannski einn daginn.

Jæja nóg í bili.
Adios!

Ég er ekki ennþá farin í vigtun.....gleymi því alltaf.  Ellin sko :P
 
Annars er ekkert að frétta. Englandsförin stendur ennþá til en dagsetningarnar eru ekki komnar á hreint ennþá.
Bíð þolinmóð. Hentar mér hvort eð er betur að vera í kringum mánaðarmót!
 
Mér gengur bara ágætlega að borða núna. Æli bara einstaka sinnum!!! Er samt ekki nógu dugleg að fá mér að borða..læt stundum líða of langt á milli. Er svo löt að ég nenni ekki að fá mér neitt ef það er ekki tilbúið. Fæ mér þá bara ávaxtasafa og læt eins og ég hafi fengið mér ávöxt. Næstum það sama hvort eð er.
Búin að vera að prufa nýja rétti og hafa þeir tekist með ágætum. Sérstaklega karrýfiskur! Rosa gott!!! Slurp.....smjatt.
 
 

Hæ, voða langt síðan ég bloggaði og hef ég ekki bloggað neitt af viti í langan tíma.

Er samt ekki hætt. Það hlýtur að koma yfir mann andinn aftur.

Annars gengur bara ágætlega. Léttist jafnt og þétt og held næstum öllum mat niðri.
Borða samt ekki mikið í einu og er soldið löt við að borða. Aldrei neitt til sem mann langar í...Þið kannist eflaust við það.

Stefnan ennþá tekin á Bretland en ekki alveg víst með dagsetninguna...fæ vonandi að vita það uppúr næstu helgi!! :)
Væri voða spennandi og gaman að fara og dandalast aðeins :P
Íbúðin á 5 eða 6 hæð við strönd!!! Reyndar má ekki synda í sjónum þarna en það er svo sem ekkert á dagskrá hjá mér að lenda í gini á ófreskju á þessu ári. Það er tívolí þarna á hafnarbakkanum í ekki langri fjarlægð.

Stefnan líka tekin norður fljótlega. Hitta pabba,Mæju og strákana. Hef ekki séð þau svo lengi að þau fá vonandi sjokk að sjá mig núna! Hef ekki séð þau í um 2 ár held ég...
Finnst ykkur ekki kominn tími til að hitta þau!!!