Survivor og Amazing Race comment neðst!!!

Betra að vara alla við svo enginn verði fúll!!!
Annars verð ég að segja að ég horfði á Bingó þáttinn á sunnudaginn og þó Villi sé soldið ákafur þá hafði ég lúmskt gaman af þessu og var maður orðinn vel ákafur eins og Villi þegar þátturinn var búinn. Vann ekkert samt sem áður, náði ekki einni línu!!
Reyni aftur næsta sunnudag. Búin að senda fyrirspurnir í sambandi við tattúin þar sem það er ekki sagt neitt frá verðhugmyndum eða hvar maður fer yfir mörkin....langar að bjóða fram kálfana mína undir eitthvað sem mig langar í!!!!!!

Vá var með svo margar hugmyndir um hvað ég ætlaði að skrifa hérna í dag og núna man ég bara ekki eftir neinu!

Á einhver super nintendo, gamecube eða playstation leiki sem hann/hún vill losna við? Jafnvel skipta? Látið mig vita!!!

Hef mig ekki í að byrja á neinum leik í tölvunni. Vantar betri stól fyrir framan hana til að nenna að sitja lengi í einu.
Er búin að spá í að byrja að pússla en fer alltaf að gera eitthvað allt annað þegar ég loksins ákveð að draga pússlin fram.

Er að lesa The Vampire Lestat, mjög fín, alltaf langað að vita meira um Lestat og hvernig hann varð til. Útskýrir ýmislegt.
Las Interview with a Vampire fyrir ekki löngu síðan og var hún alveg frábær. Eins og myndin en það voru samt nokkur atriði sem voru ekki í myndinni. Segi ekkert frá því ef einhver myndi vilja lesa bókina.

Talandi um bækur þá var ég að safna bókum um Ramses. Það er búið að þýða 3 fyrstu af 5 og það eru komin 4 ár síðan 3 bókin var gefin út á íslensku. Ég hef hringt í Eddu og sent tölvupósta þangað til að spyrjast fyrir um þessar 2 bækur sem enn á eftir að þýða. Jæja það eru reyndar bara 2 ár síðan ég hringdi í fyrsta skipti en allavega svo ég komist loksins að því sem ég vildi segja þá sendi ég einu sinni enn tölvupóst í seinustu viku og fékk loksins svör!!!!!! Þar sem viðtökur voru ekki nógu góðar verða ekki hinar 2 þýddar!!!!!! Gæti bara gargað af gremju.....búin að reyna að fá svör í 2 ár!! Sem betur fer reyndi ég einu sinni enn að senda í forlagið...ætlaði sko að hringja í þýðandann og skammast í honum ef ég fengi engin svör einu sinni enn. Alltaf bent á að tala við hinn eða þennan og enginn vissi neitt.
Neyðist víst til að lesa hinar 2 á ensku...ekki að það sé svo sem eitthvað mál. Bara leiðinlegt að eiga ekki alla seríuna á íslensku.
Flottar útlitslega séð og þrusugóðar bækur. Mæli með þeim við alla!!! Christian Jacq er höfundurinn.

Jæja að lokum smá um Survivor og Kapphlaupið.

Lisa sem var rekin í Survivor átti ekki að fara. Ami gerði mistök þarna. Eliza go away!!!
Mér var svo sem sama þá enginn dytti úr leik í Kapphlaupinu en fannst tvíburasysturnar eiga að detta úr leik þá.
ARGGGGGGGGGGGG ennþá endursýndir þættir með Queer eye!!! Ferlega fúlt.

Over and out!!