Jæja kominn tími á að ljóstra upp leyndarmálinu!!!!!!!! Trommur takk fyrir .........

Ég og Alda erum að flytja!!! Við erum að flytja saman í íbúð um mánaðarmótin :)
Það verður heldur fátæklegt til að byrja með þar sem enn vantar nokkur mikilvæg húsgögn en þröngt mega sáttir sitja....eða á gólfinu :)
Okkur vantar sem sé sófa, eldhúsborð og stóla. Og eitthvað smávægilegt annað. Þetta kemur í rólegheitunum.
Maður er búinn að eyða fleiri tugum þúsunda í huganum og mætti halda að maður væri að flytja í kóngshöll en ekki 3ja herb. íbúð! Þetta er voðalega spennandi.

Annars er fundur uppá Reykjalundi á miðvikudaginn. Ekkert smá sem tíminn líður hratt! Mánuðurinn er hálfnaður og jólin nálgast :)
Anna Jólabarn fer að brjótast fram. Og er ekki bara kominn tími á saumaklúbb og jólaföndur! Þarf að draga jólaföndrið upp og fara að búa til jólakort :)

Annars er það að frétta að Bretlandsför minni að henni hefur verið frestað um óákveðinn tíma vegna flutninga. Fæ kannski bara gest hingað í staðinn :P

Jæja hætt núna, man ekki eftir fleiri uppljóstrunum í bili.
Over and out.