Jæja ég fór í gallblöðruaðgerð á annan í jólum!!!! Gekk aðgerðin vel og þótti það best að taka bara gallblöðruna frekar en losa mig bara við steinana. Er hálf aum hérna heima núna. Vona að þetta hafi verið endapunkturinn þar sem ég er ekki til í fleiri aðgerðir eða neitt sem skapar svona mikla verki. Þetta líður vonandi fljótt hjá. Bara nokkrir dagar og þá er það versta búið. Verst að fá ekki nein almennileg verkjalyf!!! Fékk bara parkódín á spítalanum!! Var það ekki að gera neitt nema rétt að minnka verstu verkina. Losnaði samt aldrei alveg við verkina.
Tek síðan Treo uppleysanlegar verkjatöflur hérna heima og virkar það miklu betur :) Næ að sofna og verkirnir hverfa alveg í dáldinn tíma! Kraftaverk alveg sko!
Greinilegt að þetta fólk þarna á spítalanum hefur ekki farið sjálft í svona aðgerð þar sem það sagði mér svo bara að kaupa paratabs þegar ég fór heim.
Ótrúlegt hvað nokkur göt geta gert manni lífið leitt. Fyrir utan að núna eru 4 ný göt komin á magann á mér fyrir utan hin 5!!! Nabblinn var notaður aftur og tel ég hann ekki með þar sem hann er nú bara eitt stórt gat og telst það alveg normalt sko.
Anna gatasigti hljómar ágætlega.....eða Anna gallalausa heheheheh svo finnst mér fyndið að ég er með fullt af lausum endum! heheheheh saumar standa út, út um allt á maganum á mér;P
Alveg hörkuhúmór í mér ennþá tíhí :)
Er að pikka hérna á fartölvuna hennar Öldu með 56k módem....hægari en skjaldbaka en maður lætur það duga sem maður fær.
Held ég skríði samt uppí rúm aðeins núna þar sem allir eru að hvíla sig og mínum leiðist svona einum.

Fékk fullt af flottum jólagjöfum!
Náttföt sem ég fer ekki úr, rúmföt (akkurat sem mig langaði svo mikið í), papermario fyrir GC, pússluspil!!!Hélt ég hefði misst það í hendurnar á óprúttnu fólki sem kynni ekki að meta svona flott pússl en þá bara reddaði Alda því og ég fékk þetta líka massa flotta pússluspil :), Geggjaða steikarhnífa og gaffla, ógisslega flotta pönnukökupönnu og alvöru spaða með!, Flotta matreiðslubók!! Anna Kokkur stígur á sviðið á nýju ári!;), Kattabókina, rosalega flottan bol frá dúllunum mínum að austan. Ég er massaflott í honum!, hmmmm fékk nú eitthvað meira en þetta er svona í grófum dráttum.

Held ég sé farin í alvörunni núna.
Adios