Jæja fór til tannsa áðan og var vinstri endajaxlinn tekinn! Var ein rótin svo löng að hún var gróin við kjálkabeinið og var smá bútur skilinn eftir þar af leiðandi. Annars er deyfingin að byrja að fara núna og ég er að hugsa um að skríða uppí rúm og vorkenna sjálfri mér soldið. Ætli ég geti farið fram á skaðabætur fyrir að hafa misst part af sjálfri mér? Tilfinningalegt gildi og allt það sko!
Þá eru bara 3 jaxlar eftir og býst ég við að þeim verði stútað áður en langt um líður. Algjört kæruleysi hjá mér að bíða svona lengi með að gera þetta.
Annars er allt fínt að frétta af Símon og hann er alltaf jafn stjórnsamur hérna á heimilinu og aumingja Kobbi (páfagaukurinn) er endlaust undir eftirliti og smjatti. Kobbi reyndar virðist fíla það vel og syngur og trallar sem mest þegar kisi er að fylgjast með eða þegar kisi er að fara að sofa kisa til mikils ama.
Jæja ég er byrjuð að röfla svo ég er farin, see ya