Hafiði tekið eftir hversu oft ég byrja á jæja! Ógeðslega pirrandi en well....

Sko <----- ný byrjun :) ég er búin að vera að drepast úr verkjum alla vikuna og meirihluta seinustu viku og ég er ekkert smá pirruð á þessu. Tími kominn á að hringja í gigtarlækninn og segja honum að gigtarlyfin virki bara ekki rassgat!
Hef verið að pína mig að rölta uppá á landsspítala í öllum veðrum og vindum til að heimsækja fólk en ég er svo viðþolslaus eftir að heim kemur.

Talandi um spítala þá fóru stelpurnar í aðgerð á þriðjudaginn og ég fór til þeirra í gær og voru þær báðar alveg eiturhressar! Kvíðinn minnkaði aðeins en fór samt ekki. Binni varð ekki veikur fyrr en á þriðja degi svo ég bíð bara róleg.

Og talandi ennþá meira um spítala þá var ég á gamla Borgarspítalanum áðan að fá svefntæki. Er með kæfisvefn og á þetta að hjálpa mér að sofa......get ekki beðið eftir að sofa eina heila nótt!!!! Man ekki lengur hvernig það er að vakna úthvíld.

Fer svo í innritun uppá lansann í fyrramálið og svo bíð ég bara róleg yfir helgina.