Var næstum búin að gleyma þessu bloggi. Bara alveg hætt að nenna að kíkja á það. Aldrei búið að skrifa neitt hvort eð er.

Búið að vera brjálað að gera í vinnunni. Vörutalning ennþá í gangi og er það soldið mikið mál þegar við erum bara 3 að telja allan lagerinn!!! Til að bæta gráu ofan á svart detta inn hver sendingin af annari sem verða að komast strax í búðirnar og að sjálfsögðu er ekki hægt að telja á meðan! Elska vinnuna mína samt alltaf jafn mikið. Einn af mínum uppáhaldsstöðum.

Svo ég tali um annað þá er tölvan okkar er í viðgerð!!!! Er að pikka hérna á fartölvuna hennar öldu. Sit inní stofu og er að horfa á imbann með öðru auganu og fíla í botn að sitja svona.....held ég endurskoði afstöðu mína til fartölvanna. :) Algjört þarfaþing að eiga soleiðis.
En aftur að tölvunni okkar. Þá átti að vera þráðlaust netkort í henni og þegar á reyndi var það sko ekki að virka þannig að það varð að skella henni í viðgerð. Vona að ég verði ekki handtekinn eftir helgi þegar þeir kíkja á hana þar sem ég var með nokkra sjónvarpsþætti og nokkrar bíómyndir í henni. Ég meina hafa þeir nokkuð leyfi til að gramsa í tölvunni þegar það er bara netkortið í ólagi?

Gullin mín hafa það fínt og er ég glöð að segja að Símon minn hefur ekkert verið veikur eftir aðgerðina sem hann fór í ....þetta er allt annað líf fyrir littla greyið.
Mikki stækkar og stækkar og er næstum jafnstór og Símon!!!
Hann er voða kelirófa ennþá en aðallega um miðjar nætur og snemma á morgnana.

Jæja farin á pogo.com og ætla að reyna að eignast smá tokens þar.